كتاب رحلة البحث عن الطبطبة “معرض القاهرة الدولي للكتاب 2024”

د.سلوى عمر
لايف كوتش ، وكوتش معتمد فى العلاقات 

نُبارك للدكتورة سلوى عمر ، صدور كتابها “رحلة البحث عن الطبطبة” ، ونفخر بوجود عدد من الكتب لأعضاء أكاديمية الخبراء الدولية فى معرض القاهرة الدولي للكتاب فى دورته الخامسة والخمسين “2024” .
الكتاب سيكون متوفر فى جناح “كتبنا” للنشر
(صالة 1 جناح A50 بمركز المؤتمرات بالتجمع الخامس ـ الفترة من 24 يناير إلى 6 فبراير)
فكرة الكتاب : 
كل واحد فينا في رحلة حياته بيدور على حاجة مختلفة، كل واحد لــه هـدف مختلف في حياته؛ شهرة، مال، جاه، حاجات كتير جدًا، بس بالرغم من اختلافات ثقافاتنا وطباعنا وشخصياتنا، كلنا بنجتمع على هدف واحد، عارفين هو إيه؟
إننا كلنا بندور على الطبطبة، أيوة الطبطبة… كلنا بندور على الحنية والاحتواء ، أول مصدر للحنية بيبقى أهلنا، بنجري عليهم علشان ناخد الحنية والاهتمام، هما بيدوا الحنية على حسب ما هما خدوها ، وساعات بيدوها أكثر ما خدوها ، علشان يعوضوا ولادهم اللي هما اتحرموا منه.
لو الأهـل مكانـوش المصدر الكافي للطبطبة، هيفضـل الإنسان يدور عليها لغاية ما يوصلها، يدور عليها في كل مكان ومع كل شخص بيقابله، الطبطبة اللي بناخدها بنرجع نديها للي حوالينا، بنديها لأهلنا لما يبكبروا ، لأولادنا وأصحابنا، سلسلة ودايرة مش بتنتهي .